والله ما كان الفراق اختياري
ولا عمري اخترت الوصال ولقيته
وأنا اعشقك عشق المطر للصحاري
مهما قسى وقتك علي.. ما جفيته
ما كان بعدي عنك للبال طاري
اخترت بعدي عنك وانت رضيته
لو كنت داري بس لو كنت داري
ما اعطيت لك قلبي بحبك مشيته
لو مل من صبري حنين انتظاري
ما قلت ابيك ولا رجوعك رجيته
اذبلت من طبعك ورود اعتذاري
عطشان ذوق ولطفكم ما ارتويته
ليت الزمن يقدر يرد اعتباري
ويبري لهايب قلبي اللي كويته
روّح مراح الليل والليل ساري
لو كان مهما كان حبك نسيته
....