مرت سنة .. على فراقك
على صوتك .. وأشواقك
مرت سنة ..
غريب .. كيف الزمن يرحل
 وأوراق العمر تذبل
سنة مرت
 وأنا أول حبيب يوقد الشمعه
لجرحه في يوم ميلاده
هلا بالحب وأعياده

كل عام وجرحي بخير

مشيت دروبنا
خطاوي قلوبنا
مريت الوعد وعدنا العام
ما كان الوعد ولا الايام أهي الايام
مدري ليه هالشارع
نسوه الناس
ومتى هالموعد الخالي
 يجوه الناس
حبيبي ليه في غيابك
 يغيبوا الناس
سنة مرت
 وأنا أول حبيب يوقد الشمعه
لجرحه في يوم ميلاده
هلا بالحب واعياده

كل عام وجرحي بخير

حبيبي ..  إيه .. والله حبيبي
نساني العمر لو أنساه
نساني الفرح لو أنساه
أحبه ما ظهر نجم .. ونبت عشب .. وسرى براق
أحبه لا زمن يشفي جروحي..  ولا جفا وفراق
أنا هذا الهوى كله
 وقلبي آخر العشاق
سنة مرت
وأنا أول حبيب يوقد الشمعه
لجرحه في يوم ميلاده
هلا بالحب واعياده
كل عام وجرحي بخير ...

الشاعر / بدر بن عبدالمحسن

...