تبيه
تحت الليل
وسياط النظر والخوف
تبيه
والميعاد عيا ينتظر .. ملهوف
تبيه
والساعة دهر ..
ما مر .. !
ما أرسل خبر ..!
تبيه تبيه ..
ما ملت ... وظلت تحتريه
تبيه

كل الوفا شفته
على ذاك الرصيف .. ذاك المسا
وكل الجفى شفته
على نفس الرصيف .. نفس المسا
كانت تعض ابهامها حيره
كانت تشب .. وتنطفي غيره
كانت تموت وتحتضر
كانت تموت وتحتضر
كانت أبد
كانت أبد ... ماتنتظر غيره .. !

يا قلبها مسكين ... ما يدري
ان الهوى ... سكين
يجرح ولا يبري
وان الوهم
احلى حقيقه بالغرام .. !
وان الحبيب
الي تبيه
الي تبيه
احلام .. !
يا قلبها
هذا زمان ٍ صعب
يموت فيه الصدق
ويعيش فيه الكذب
يا قلبها
لا تنتظر
لا تنتظر
دور على غيره .. !

عبدالرحمن بن مساعد