...

 

 

...

 

 

...

 

 

 

 

مكانه الخالي محدنٍ ملاه
اشوفه بعيني واسرح معاه
جالس اناظر هالمكان
يمكن يرجع لي الحنان
كل يوم في نفس المكان
كل يوم في نفس الزمان
 أنا انتظر لحظة لقاه

يازينها لحظات لو كانت قليلة
 ياحلوها نظرات بين خلٍ وخليلة
كانت الدنيا مسافة
 وكنت لي انت الطريق
وصارت الحظة كلافه
 والامل دربه يضيق
منهو غيرك
يعطي لجروحي الآمان
منهو غيرك
يقدر يعيد اللي كان

حاولت أصدّق فرحتي
 واعيش هالفرحه برجاه
لقيت نهاية قصتي
 تبدى بنظره معاه
اسمع انا بعشق النظر
واحسب انا العاشق مزوح
مادري واقف لي القدر
ولا كذا طبع الجروح

حزين على حالي
ياحالي أنا
مشتني هالدنيا
بدروب العنا
كل يوم في نفس المكان
 كل يوم في نفس الزمان
 أنا انتظر لحظة لقاه ...

شعر / محمد بن عبدالرحمن

 

...

 

 

...

 

 

 

 

 

 

 

وش جابني ..
جابتني هبات النسيم ..
والذكرى ..
والحي القديم
حلم الصغار
طفلين في عيون النهار
نركض . تحت في الجدار
من كان يقول هالحلم يمضي للزوال
وهالحب .. يصبح يتيم ..
وش جابني ..
جيت ادور عن بقايا وعن أثر
وليل .. وعيون .. وسهر
وسكة بللها المطر ..
الله .. الله .. لى نسنس الغربي حزات الغروب
الله .. الله .. واطراف الجدايل يداعبها الهبوب ..
آه لو تحكي الدروب ...
في هالمكان ..
ابتدأ الحب اللي كان ..
في هالمكان .. كفي حضن كفك زمان ..
تذكر ؟! .. والا نساك الزمان ..
يا ما وسط عيني غفيت .. وغطيتك برمش العيون
خايف اصحيك وتفز .. وخليتك بقلبي الحنون
لكني ابدا ابدا .. ما دريت ان الزمن له ألف لون ..

شعر / عبداللطيف البناي
....

 

 

...

 

 

 

 

 

 

أونّ وريـــــاح الليــــــالي تـــــــونِ
والبرد في جوفٍ كما الغـار خــاوي
مــا كن لــي قلـــبِ ولاعقــــل كنـــي
جذع وقــف فــي وجـــه الايام ذاوي
وبـــي عبـــرةٍ محبوســــةٍٍ تمتحنــي
في عيني وحلقي وصدري شكـاوي
وبي من قديم الـوقت جــرحٍ مكنـــي
وبــي من جديد ايــام وقتي مِكــاوي
إن قلت زانت خالف الــوقت ظنـــي
وان قلــت هـــانت عاجلتني بـلاوي
أجــــامــل ايــــامي ولاجــــاملنـــي
هامت بــي الدنيــــا هيــام الخلاوي
الوقت جايـر والليالـــي اسهــرنــي
والحــــزن مابين الضــلوع متلاوي
أون وكـــــــلٍ يحسب انــــي أغنــي
عليــل وكــــلٍ يحسب انـي مــداوي

 

كلمات: خالد الفيصل

....

 

 

....

 

 

 

 

 

يا طول الليل من دونك
يا طول الليل
يا طول الوقت من دونك
يا طوله حيل
نهاري ما تجيه الشمس
اذا ليلي خلى من همس
يا صوتك لامس فؤادي
 لمسني لمس
يا طول الليل
فدا صوتك اذا جاني نغم
تهادا في شرايني
وجاس بهمسه وجداني
 ولون دنيتي صوتك
وصرتي كل الواني
 وكل عمري تناديني

نهاري ما تجيه الشمس
اذا ليلي خلى من همس
يا صوتك لامس فؤادي
 لمسني لمس
يا طول الليل

بعيده انتي دفا صوتك
حياتي وحلم أيامي
و أنا ضامي
يا كل الدنيا قدامي
تزوريني
 وأنا أحكي
 وأنا أمشي
وأنا غافي
واذا غنيت انتي دنيا أنغامي

نهاري ما تجيه الشمس
اذا ليلي خلى من همس
يا صوتك لامس فؤادي
 لمسني لمس
يا طول الليل

....

 

 

 

مثل ما ياخذك النسيان
انا مثلك انا انسان وهم انسى
انا وقت التعب
مثل السفن لي شافت المرسى

يامخدوع في فرحي
انا في ضحكتي جرحي
وامامك كلمتي خرسا

ناديتك بصوتي المتعب الولهان
ناديتك وانتظرت سنين
ناديتك ما حسيت ولا رديت
وصوتي والصدى للأن
غيابك وصل افراحي الى الاحزان
اشوفك راحتي .. ومنك انا تعبان

يامخدوع في فرحي
انا في ضحكتي جرحي
وامامك كلمتي خرسا

آن الاوان..
انا برتاح من يأسي من خوفي
انا بحاجه لأمان

وداع ياشوق يا ذكرى
وداع يا زمان كان
كل اللي اقوله الآن ..
أبارك لك بالنسيان

يامخدوع في فرحي
انا في ضحكتي جرحي
وامامك كلمتي خرسا ...

الشاعر / فايق عبدالجليل
...

 

 

....

 

 

 

 

كل الجراح تهون..
يا جرح أنا بذاتي
كل المآسي طعون ..
 والشي لـ مآساتي
يا غربتي ..
طالت معاكِ  رحلتي
في دنيتي ..
صرتي مساري وسكتي

كفى ..
 والله طواني  ليل الاحزان
غفى .. 
دمع الفرح  بعيوني ولهان
كل الجراح تهون يا جرح أنا بذاتي

يا دمعه الليل الطويل ..
 يا سر احزاني
شايل معاي المستحيل ..
والصبر عنواني

سيف الصبر ذبحتني ..  يا سيف الصبر
غربة وغدر ..  وآه آه من الغدر

يا غربتي
طالت معاك رحلتي
في دنيتي ..
 صرتي مساري وسكتي
كفى .. 
والله طواني  ليل الاحزان
غفى ..
 دمع الفرح  بعيوني ولهان
كل الجراح تهون يا جرح أنا بذاتي

بودعك
يا ليل العذاب ..
بودعك
وارحل على متن السحاب ..
وبتشوفني
مثل الضباب
مثل الوهم
مثل السراب

لي مرت الذكرى عليك
ما أرد لك لو هلت دموعك ندم
ما أرد لك كل عيشتك صارت ألم

يا غربتي
طالت معاك رحلتي
في دنيتي ..
 صرتي مساري وسكتي
كفى .. 
والله طواني  ليل الاحزان
غفى ..
 دمع الفرح  بعيوني ولهان
كل الجراح تهون يا جرح أنا بذاتي

....

 

 

 

 

 

 

 

ذبحك الحب يا قلبي
بلا هم وبلا حيره
حياتك نصفها أحزان
يا قلبي .. ونصفها غيره
تحب وتصدق  وتوفي
وبالآخر يخونونك
ولما تطيح يا قلبي
ولا كنهم يعرفونك
يا قلبي ليش ما ترتاح
وتخلي الحب لأصحابه
سد بابك ولا تهتم
عن اللي عنك سد بابه
عطيت وما عطوا مثلك
وضيعت بهواك سنين
وآخر هالتعب كله
تطلع خالي الكفين
...

 

...

 

 

 

بـــســيــطـــة

بكره تتذكر وتعرف قيمة احساسي
وتبكي دم مايلم من كثره
وتتحسر على العشره عدد شعرك بعد ما اروح
وأغادر عالمك مهزوم
بليا روح بقايا جروح
ياروحي طواها الهم
وتعرف قيمة احساسي
وتبكي دم مايلم من كثره

بـــســيــطـــة

حبيبي كنت قبل اعرف تفاصيل الشعور
الي خذا قلبك قبل لاتغير اسلوبك
وتتغير على قلبي وتلعب بي كني اكبر ذنوبك
حبيبي كنت قبل ما أكتشف اني وانا يمك بعيد كثير
غريب وهدني التفكير
في بعادك ولا همك
وتبيني انا اهتم
وتعرف قيمة احساسي وتبكي دم مايلم من كثره

بــســـيـــطـــة

تعبت من الشعور
الي تجاهلني وعذبني وخلى حالتي حاله
قررت اتركه وانساه
مادام اني صعب القاه
اظن احسن لي واحسن له نكون ابعاد
نتفارق بلا ميعاد
ونترك بعضنا ارحم
وتعرف قيمة احساسي وتبكي دم مايلم من كثره

بـــســيــطـــة ...

...

 

 

ناشدتني ...
ليه عمري ليل وأيامي حزينة
وأسألتني ..
لي متى الغربه تسافر بالسفينه
لي متى وأقول ما ادري ...
 تشهق الآهة بصدري
بالحزن ترحل قوافل كل يوم لي
عايش ماغير أجامل والألم ظللي
آه يالفرحة السجينة ..
حلمي اللي ضاع وينه .؟!
وآه يانار المحبه وقدي ..
 والمحب الله يعينه

لو تقولي  يانجوم الغارقه بالنور
وش ترين بحالة اللي بالشقا مأسور
لاصباح يبتسم .. والقاه ..
وارحل في طريقه
كل ماحولي وهم ... ويلاه ...
 ياظلم الحقيقه

في مواويل التمني ..
كل ماعانيت أغني ...
والوله في داخلي
آه يالفرحه السجينه
حلمي اللي ضاع وينه ؟
وآه يانار المحبه وقدي
والمحب الله يعينه

ياقصيدي
وش عليك ان كثرت الأحزان ...
الحبر مثل القلم مثل الهوى حرمان ...
الحبيب الى نبي ... مشغول عنا في هوانا
وكلمتي لمعذبي ... اقول ليته لو نسانا
منه ذقت الضيم واجد
لايصد ولا يواعد ...
ولايخليني خلي
آه يالفرحه السجينة
حلمي اللي ضاع وينه .؟
وآه يانار المحبة وقدي
والمحب الله يعينه

شعر / أسير الشوق

....

 

....

 

 

 

 

يا ليل الدجى والصمت
وين الأمل والنور
وين الحكي والهمس
أصبح والاقي الشمس
يا خاطري المكسور ألم
يا دربي المهجور .. وهم
نظرتي حزينة .. ارسمتها الأقدار
دمعتي سجينة في عيون الأسرار
نظرتي للدرب الطويل
خطوتي بترفض الرحيل
بس لازم أواصل رحلتي
لو الهم على قلبي ثقيل

آه آه يا زمن ..
وين الطريق ..
وين الرفيق
اللي ما له ثمن
بروح للنور .. ولا انتظر
وابدي للشوق وضعي
أنا مقهور .. وابي استمر
وآخذ بثار دمعي
يا صمت الليالي
يا صبري وحالي
جف الحبر ..
ونشف أنا ريقي صبر
يا صمت الليالي
يا صبري وحالي
ذاب الفكر
وبقيت أنا وشوقي ننتظر
نظرة تجمعنا
أنا وانت وبس ..
لا أحد معنا ...
....

 

 

 

انتي نسيتي .. وكيف أنا ما انسى
انتي قسيتي .. وكيف أنا ما أقسى

يا صدى من غير صوت
ما به حياة من غير موت

لو تدرين وش انا منه خايف
ان باقي لك من الذكرى حسايف
اخاف شوق الألم
واخاف ذكرى القلم
اخاف يحكي السطر والورق
اخاف يشكي الشقا والارق

يا صدى من غير صوت
ما به حياة من غير موت

يا ذكرى الصحاري والجفاف
يا يأس اللي باقي واللي طاف
ما عاد شي يربطني فيك
غير الشقا ان كان يرضيك
حتى السنين اللي عطت
وحتى الدموع اللي بقت
صارت تخاف
....

 

 

 

قبل كل شيء
ضمني حيل
حيل ضمني
يا عمر العمر .. آه
نار الشوق
بافراقك تحرقني
فداك عيوني يا عيوني
من هذي قبل هذي
والى من طرح من طولي
 أبنسى الناس من حولي
وانادي لك بكل إحساس
ضمني حيل
حيل ضمني
شسولف لك شاعدد لك
وجروحي ما لها تالي
ومنين  ابدي اعبرلك
وحبك دمر احوالي
علي صرت وياهم
وغرك سحر دنياهم

أبشكي لك واغني لك
عذابي وطول حرماني
ومن قلبي اببدي لك
عساك تحس باحزاني
حبيبي لا يغرونك
وربي ما يفيدونك

وفداك عيوني يا عيوني
من هذي قبل هذي
والى من طرح من طولي
با نسى الناس من حولي
وانادي لك بكل إحساس
ضمني حيل
حيل ضمني

.......

 

 

....

 

 

 

 

 

 

تخيل لو تفارقنا وعشنا في هوانا أغراب
تخيل لو تناسيتك وقلبك صار ناسيني
تخيل لو تباعدنا وكل شوق جمعنا ذاب
تخيل لو تجي صدفة عيونك يوم في عيني
تخيل لو خلا هالكون تخيل ولا يسكن ثراه أحباب
تخيل وش يصير الحال.. ما بينك وما بيني
حبيبي للوصل سبّه .. وللفراقا كثير أسباب
وأنا صابر على ظلمك وجرحك حيل مشقيني
تخيل لو جرحتك يوم تخيل وجرحك بالهوا ما طاب
تخيل بس لو مرة تبيني ما تلاقيني
تبي تشكي تبي تبكي تبيني والأمل بغياب
صرخت بصوتك العالي من الضيقة تناديني ...

...

 

...

 

 

 

 

 

 

رماد .. رماد
شوفي رماد .. دمعي رماد
الضي في عيوني رماد
ما فيني اسأل أو اعاتب واشتكي
قولي هجرتك.. تكفي عن كل الحكي
وش اقسى من كلمة جفا
ونظرة عناد .. الا البعاد
رماد .. رماد

الليلة ..الليلة
فيه شيء انكسرأوكل شيء
الليلة .. الليلة
من حسن السفر ما فيها ضيء
مدري صحو مدري مطر
يبكي الحكي .. ويبكي النظر
ودعتك الله سافري وين ما تبين
الحب يكسر خاطري وهو حزين

ما فيني اسأل أو اعاتب واشتكي
قولي هجرتك.. تكفي عن كل الحكي
وش اقسى من كلمة جفا
ونظرة عناد .. الا البعاد
رماد .. رماد

ودعتها .. ضيعتها
عمري الجميل
ناديتها .. حاكيتها
بعد الرحيل
ردت علي ..
بالصمت صمت
وبالليل ليل
ودعتها .. ودعتها
وكانت جروح
ما قالت اصبر لا تروح

ما فيني اسأل أو اعاتب واشتكي
قولي هجرتك.. تكفي عن كل الحكي
وش اقسى من كلمة جفا
ونظرة عناد .. الا البعاد
رماد .. رماد

شعر / بدر بن عبدالمحسن

.....

 

 

 

والله ما كان الفراق اختياري
ولا عمري اخترت الوصال ولقيته
وأنا اعشقك عشق المطر للصحاري
مهما قسى وقتك علي.. ما جفيته
ما كان بعدي عنك للبال طاري
اخترت بعدي عنك وانت رضيته
لو كنت داري بس لو كنت داري
ما اعطيت لك قلبي بحبك مشيته
لو مل من صبري حنين انتظاري
ما قلت ابيك ولا رجوعك رجيته
اذبلت من طبعك ورود اعتذاري
عطشان ذوق ولطفكم ما ارتويته
ليت الزمن يقدر يرد اعتباري
ويبري لهايب قلبي اللي كويته
روّح مراح الليل والليل ساري
لو كان مهما كان حبك نسيته
....

 

 

 

 

مرت سنة .. على فراقك
على صوتك .. وأشواقك
مرت سنة ..
غريب .. كيف الزمن يرحل
 وأوراق العمر تذبل
سنة مرت
 وأنا أول حبيب يوقد الشمعه
لجرحه في يوم ميلاده
هلا بالحب وأعياده

كل عام وجرحي بخير

مشيت دروبنا
خطاوي قلوبنا
مريت الوعد وعدنا العام
ما كان الوعد ولا الايام أهي الايام
مدري ليه هالشارع
نسوه الناس
ومتى هالموعد الخالي
 يجوه الناس
حبيبي ليه في غيابك
 يغيبوا الناس
سنة مرت
 وأنا أول حبيب يوقد الشمعه
لجرحه في يوم ميلاده
هلا بالحب واعياده

كل عام وجرحي بخير

حبيبي ..  إيه .. والله حبيبي
نساني العمر لو أنساه
نساني الفرح لو أنساه
أحبه ما ظهر نجم .. ونبت عشب .. وسرى براق
أحبه لا زمن يشفي جروحي..  ولا جفا وفراق
أنا هذا الهوى كله
 وقلبي آخر العشاق
سنة مرت
وأنا أول حبيب يوقد الشمعه
لجرحه في يوم ميلاده
هلا بالحب واعياده
كل عام وجرحي بخير ...

الشاعر / بدر بن عبدالمحسن

...

 

 

 

قلتيلي انسى
ومن يومها وانا كل ليلة .. قدامي البرواز
حبر العيون ودمع القلم .. في دفتري
وصورتك .. رغم الألم .. ورغم انها خذت من اطباعك كثير
وخانت البرواز .. اشوفها في خاطري
حبيبتي مابيدي حيلة
لاصرتي الصورة .. وعيوني البرواز
وشلون ابنسى
اتعبتي الصورة مشاوير
وتعبت انا بلقى لغدرك معاذير
وصورتك اللي سجنت بروازها طول السنين ..
كانت جسد وبروازها الروح
ويوم انزعت منها الجسد .. تجرّحت اطرافها
وبجروحها راحت لمين ؟
لبروازها الثاني !!
مسكين .. بيسجنك ويبقى سجين
مسكين
تشبهلك اقداره .. خانته
وصورتك يجي يوم وتخونه
حبيبتي ..أو للأسف حبيبته
لاصرتي الصورة .. وجفونه البرواز
وشلون ينسى ؟!
حبيبتي لجل انسى جرحك واستريح .. ببكي
وبعد البكى .. ببكي
وأكيد فيه لحظة بتجي .. وبيجف دمعي
وعندها صورتك اللي في عيوني
بتموت من ظلم العطش ..
بروازها بيصبح نعش
وبتمرني الدمعة الأخيرة ... تاخذ معاها صورتك وتطيح
وكني بالمسافة تطول مابين عيني .. ودمعتي .. وخدي
وكني بقلبي الحاير المسكين
نبضه يقول لا تودع الفرقى .. الدمع مايرقى
وعندها لانزلت الدمعة لمثواها الأخير
وفارقت وجهي
بغمض عيوني .. واكسر البرواز
وانسى
.......
شعر / عبدالرحمن بن مساعد

 

 

 

 

 

 

 

.....

 

 

 

 

تبيه
تحت الليل
وسياط النظر والخوف
تبيه
والميعاد عيا ينتظر .. ملهوف
تبيه
والساعة دهر ..
ما مر .. !
ما أرسل خبر ..!
تبيه تبيه ..
ما ملت ... وظلت تحتريه
تبيه

كل الوفا شفته
على ذاك الرصيف .. ذاك المسا
وكل الجفى شفته
على نفس الرصيف .. نفس المسا
كانت تعض ابهامها حيره
كانت تشب .. وتنطفي غيره
كانت تموت وتحتضر
كانت تموت وتحتضر
كانت أبد
كانت أبد ... ماتنتظر غيره .. !

يا قلبها مسكين ... ما يدري
ان الهوى ... سكين
يجرح ولا يبري
وان الوهم
احلى حقيقه بالغرام .. !
وان الحبيب
الي تبيه
الي تبيه
احلام .. !
يا قلبها
هذا زمان ٍ صعب
يموت فيه الصدق
ويعيش فيه الكذب
يا قلبها
لا تنتظر
لا تنتظر
دور على غيره .. !

عبدالرحمن بن مساعد

 

 

 

 انتي وردة
ولا قلبي مزهرية من خزف
صدفة وحدة جمعتنا
شوفي وشلون الصدف
التقينا في مدينة
وفرقتنا ألف مينا
اغفري للريح والموج والسفينة
كانت الرحلة حزينة للأسف ..

كنت أحلم لما ناديتك بسافر
مع عيونك في شعاع الفجر باكر
والله أعلم اني صادق
كنت أحلم اني عاشق
لا أخاف ولا أضيع ولا أفارق
وش أقول غير اني آسف وش أقول
أنا خانتي العواصف والفصول

التقينا في مدينة
وفرقتنا ألف مينا
اغفري للريح والموج والسفينة
كانت الرحلة حزينة للأسف ..

آه .. يا تعب المسافر
في أراضي الجرح.. آه
في دمع المحاجر
ما لهذا الحزن آخر
أو لهذا الجرح آخر

يا شمس الأخيرة
في اللحظة الأخيرة
أنا لي كلمة أخيرة
أغفري لي  ابتسامي قبل جرحي
وحاولي تنسي كلامي قبل صمتي
ولو رضيتي يا أعز الناس أنتي ...

 

....

 

 

 

رجعنا بعد طول غياب
 بس رجعنا اغراب
ندور في ليالي الأمس
 عن الشوق الي راح وذاب
تغير كل شي فينا
وماتت كل أمانينا
وضاع الشاطي والمينا
مع غدر و أمل كذاب
يا ما شفت ليل أحزان
وجرح أكبر من النسيان
وعهد أنت نسيته وهان
وظلم من أقرب الأحباب
ياقلبي .. لاتصدق يوم
محبه بلا أمان تدوم
ياخوفي ترجع المهزوم
ونرجع من جديد أغراب ...

 

 

 

أحبك عدد ما قالوا العشاق
أحبك
أحبك عدد ما سطرت الأوراق
كلمة أحبك
أحب شمسك وأحب ظلك
وأحب بقربك أيامي
أحب همسك وأحب صمتك
وفرحي فيك  والآمي ..
وأحب الليل ..  لأنك قمرته وضيه
وأحب النور لأنك نور هالدنيا
حبيبي إذا مر يوم وما شفتك
حبيبي أناظر في الخيال رسمك
كأنك جيت وناظرتك
حبيب الروح لو تدري
حياتي بايدك وأمري
بررد لك .. وأغني لك
 لآخر لحظة في عمري

أحب شمسك وأحب ظلك
وأحب بقربك أيامي
أحب همسك وأحب صمتك
وفرحي فيك  والآمي ..
وأحب الليل ..  لأنك قمرته وضيه
وأحب النور لأنك نور هالدنيا...

 

 

تصدّق والا أحلف لك
عجزت بلساني أوصف لك
نعيم الحب في وصلك
وانت كريم من أصلك
وشوف قلبي على يدي
وهو أغلى ما عندي
وتبغى زيادة في حبك
اجيب لك قلبي ثاني منين

يقولوا قلوبهم ذابت من الآهات
واحنا وعودنا طابت على الأوقات
في دنيا غير دنيتهم
جديدة وجنه عدتهم
في حب وحنان
لقاء وآمان ..
يا حلى ما نظرت انسان
وتبغى زيادة في حبك
أجيب لك قلب ثاني منين

اقول لك أنت حب القلب
وكلمة حب قليلة عليك
قليلة يقولها من حب
وانت قلوبنا في ايديك
تصورها بهمساتك
وتسعدها بلفتاتك
وتبغى زيادة في حبك
أجيب لك قلب ثاني منين

 

شعر / إبراهيم خفاجي

 

 

 

 

 

شوفي شموخي ترا غالي معي ذاتي
قلبي شموخه.. يساوي الف من ذاته
ان كان تقصر خطاه .. بعيد خطواتي
يلعب عليك .. وطموحه بس غاياته

قلبك يعيشون فيه اثنين هيهاتي
ترضين قلبي يسوي مثلك سواته
عندي.. تقولين وحدك كل رغباتي
وعنده .. تقولين ما نبغي علاقاته

صحيح كنتي لقلبي لي بداياتي
صحيح كنتي لقلبي كل حاجاته
دايم اداري المحبه في كل حالاتي
شخص هويته مديم في مداراته

كلامي يوصلك .. شوفي كيف وقفاتي
قلبي بفضيه من حبك مساحاته
عادي طبيعي مزاجي مو لماحاتي
من خان بعده وعجل في نهايته ...

 

 

 

لية إذا حبيتك اكثر زدت قسوة
وإن دريت بحاجتي لك زدت جفوة
وأن عطيتك من حياتي ما تريده
ماكفاك وتحسب ان الحب نزوه

والله اني يا احب الناس احبك ........ والله ان الروح لو ترضيك فدوة
والله اني تارك غيرك وجيتك ......... مزعل الزعلان والعذال عنوه
كل دقة قلب فيني لك قصيدة ........ تكفي الدنيا مع الأحباب غنوة
كل هاجس ما يجيب إلا خيالك ........ سلوتي بالعمر في صحوة وغفوة

أجمع احساسي وأشواقي وأجيلك
وألبس ثياب الهوى والعشق كسوة
وانتقي لك من سواليفي حسنها
والقصايد من غزلها كل حلوة
وانثر العبرات والضحكات عندك
تآخذ اللي تلتقي لك فيه سلوة
وأذكر الله كلما شاهدت حسنك
أشهد إنك فوق عرش الزين ذروة

شعر / خالد الفيصل